India-Wing

Geschrieben von Inspektorkulus

Freitag, 12 Mai 2006

Bricht 1: Namaskar NoBrain…. Guete Tag mitenand, Am Mäntig znacht sind mir öppe am 10ni in Mumbai glandet und denn isches gad wiiter gange uf Pune, 4-Std Autofahrt für 150 Kilometer…. Eifach wills jenes verchehr gha und die beschte Strasse hends natürlich au nid da in Indien. Am Zistig simmer denn öppe am morge am 10ni mal ufgstande und hend zmorge gesse. Denn simmer mal los gspaziert id Strasse vo Pune. Isch interessanti stadt. Mega viel verchehr und d'Liechtsignal bringed überhaupt nüt, vorallem nid fürd fuessgänger. Aber es isch doch unglaublich wiemmer immer unverletzt a de andere strasse siite achunt. S'Hotel wommer hend isch OK, aber ich het ehrlich gseit me erwartet für 100 SFr i de nacht pro zimmer für das das mer in Indien sind… Denn am Mittwuch 10. may simmer am morge am 07.30 abghollt worde in Pune und hend eus uf de weg gmacht richtig Wing, 1-1 ½ stund fahrt weg mitem Auto. Unglaublich wie die Inder autofahred, ich glaub d'Regle kennt niemert. Mir fahred jede Tag so en “Berg” ufe und ja eigentlich hets gegeverkehr aber es wird andauernd überhollt und wenn eine vo de andere siite chunt, denn fahred die langsam bis du wieder hesch choenne ispure…. Also jede morge und abig hemmer min. ei stund interessanti autofahrte… :o) was doch au astrengend isch all die iiidrueck zverarbeite. Also ufem heiweg vom schaffe bini amel recht mued und choenti gad iischlafe. Mir fahred wie scho gseit am morge am 7.30 ab und am 9.00 Uhr wird da gstartet mit schaffe. Denn schaffemer bis am 13.15. Mittag essen bis 13.45 Uhr und denn wird immer so bis am 17.00 / 17.30 Uhr (wie lang genau hani nanig usegfunde) gschaffet. Das heisst sehr en lange tag. Will aschlüssend fahred mir ja wieder 1- 1 ½ stund uf Pune. Was bedüted mir sind öppe am 19.00 wieder I de stadt!!!! Nachhere churze duschi langet da ziit gad na zum go znachtesse und denn isch amel au scho wieder 22.00Uhr…. und teilwies muend mir denn amel au irgendwenn mal na chli arbeit vorbereite (also ich eher weniger, ich mach das vor zue…) Sesse da isch sehr fein, mir hend jez scho eimal I de Kantine gesse und eimal imene “hotel” (eher guesthouse) da in Wing, het würklich nüt da in Wing user gad die firma…. Es isch sehr schöns warms wetter. Wenich ufs dach gane mini zigarette go rauche chains amel 5min gnüsse… nacher isch amel eh scho wieder viell zwarm.. :o) So ich höre mal uf schriebe. Und tuen nachli arbeit vorbereite. S'Internet funktioniert leider bis hüt nanig. Drum hanich mich au nanig gmolde… Bis bald schaf Wing, India 2006-05-11 Bricht 2: Hallo Gester abig simmer mit eme Inder vo eus im gschäft go Znacht esse isch interassant das Land. Gesse wird ja mit de Hand, eigentlich nur mit de rechte. Aber isch halt doch na recht schwierig für eus, drum benutzemer amel chli de loeffel zur hilf. S'Esse isch sehr fein, au gar nid soo scharf wienich erwartet het, aber mer chönti immer na scharfi sauce druf tue…zums na me schärfe. Nachem esse gaht mer denn natürlich go dHänd wäsche (mer het ja na mit de händ gesse) und mir hend gester de iddruck gha, das zerst dmanne gönd und denn dfraue. D'Inder gönd ines restaurant essed und denn gönds wieder, da wird nid na lang ghocket und gschwaetzt. :o) Hmm ja huet bini mega müed, nachher fangi a dLüüt schuele betreffend wie sie denn müend für eus schaffe, das wird sehr interesant für mich, öb si mich verstönd etc. Hüt abig heists denn länger schaffe, aber nur wenn sInternet funktioniert, will denn staht entlich dVerbindig zwüsched Winterthur und India. Soso isch das… Schöns tag-chen simi Wing, India 2006-05-12 Fotos siehe: Gallery Forum zum Diskutieren

Letztes Update ( Freitag, 11 August 2006 )

< zurück		weiter >

Number of comments (0) - Add your comments to this article...